Ujak pandimi Covid-19 tahadap panyandang katawatasan diri
Pandimi Covid-19 mambawa ujak nang ganal tahadap bubuhan panyandang katawatasan diri. Bubuhannya baisi patala risiku kamatian nang taganal. Di antara nang paling taujak adalah panyandang katawatasan diri pikiran, bubuhannya nang bagana di panyadia paharaguan, wan bibinian lawan katawatasan diri. Pandimi Covid-19 barasiku manambah morbiditas wan patala kamatian panyandang katawatasan diri marga katawatasan layanan paharaguan nang tasadia.[1] Jumlah panyandang kacacatan dikikiraakan mangalami panambahan jua marga pandimi.[2] Panyandang katawatasan diri nang tadiri atas panyandang cacat awak, pikiran, akal, atawa lima indra, sacara awam mahadapi kangalihan dalam mamakai layanan kawigasan, baisi kaparluan kawigasan nang taganal, mahadapi risiku kaparahan nang tatinggi, wan bahadapan lawan paaturan wan ciciri awam nang dilalainakan (diskriminatif).[3] Pandimi Covid-19 umpat mambangati kaadaan kabalainan ngini.
Panyandang katawatasan diri rancak jua jadi kurban kakarasan rumah tangga wan palicihan.[4] Bubuhannya labih barisiku kahilangan gawian wan mahadapi kangalihan manamui tawas paangkutan gasan manjangkau tampat bagawinya wayah pandimi. Panyandang katawatasan diri kakanakan taganggu kagiatan balajarnya.[5] Kakanakan lawan katawatasan diri mahadapi banyak kangalihan wayah balajar sacara daring, misalnya kangalihan mandapatakan tarapi awak wan okupasi wan kamasukan ka tiknulugi bantu.[6]
Wayah pandimi Covid-19, risiku panyandang cacat gasan garing atawa maninggal ampat kali taganal daripada lain panyandang. Kada wastu marga kacacatannya, tagal jua marga kabijakan, padaharaan, wan paraktik kawigasan nang masih mengabaikan kebutuhan mereka.[7]
- ^ Kuper, Hannah; Heydt, Phyllis (2019). The missing billion: access to health services for 1 billion people with disabilities. London: London School of Hygiene and Tropical Medicine. hlm. 1–28.
- ^ Kuper, Hannah; Banks, Lena Morgon; Bright, Tess; Davey, Calum; Shakespeare, Tom (2020-04-28). "Disability-inclusive COVID-19 response: What it is, why it is important and what we can learn from the United Kingdom's response". Wellcome Open Research. 5. doi:10.12688/wellcomeopenres.15833.1. ISSN 2398-502X. PMC 7236579
. PMID 32500099.
- ^ "Preventing discrimination against people with disabilities in COVID-19 response". UN News (dalam bahasa Inggris). 2020-03-19. Diakses tanggal 2021-03-22.
- ^ Courtenay, K.; Perera, B. (2020/09). "COVID-19 and people with intellectual disability: impacts of a pandemic". Irish Journal of Psychological Medicine (dalam bahasa Inggris). 37 (3): 231–236. doi:10.1017/ipm.2020.45. ISSN 0790-9667.
- ^ Blagg, Kristin; Blom, Erica; Gallagher, Megan; Rainer, Macy (2020/04/00). Mapping Student Needs during COVID-19: An Assessment of Remote Learning Environments (dalam bahasa Inggris). Urban Institute.
- ^ Azevedo, João Pedro; Hasan, Amer; Goldemberg, Diana; Geven, Koen; Iqbal, Syedah Aroob (2021). "Simulating the Potential Impacts of COVID-19 School Closures on Schooling and Learning Outcomes: A Set of Global Estimates". The World Bank Research Observer: 1–59. doi:https://doi-org.wikipedialibrary.idm.oclc.org/10.1093/wbro/lkab003 Periksa nilai
|doi=(bantuan). - ^ Pineda, Victor Santiago; Corburn, Jason (2020-06-01). "Disability, Urban Health Equity, and the Coronavirus Pandemic: Promoting Cities for All". Journal of Urban Health (dalam bahasa Inggris). 97 (3): 336–341. doi:10.1007/s11524-020-00437-7. ISSN 1468-2869. PMC 7179953 . PMID 32328866.
