Buka menu utama

Wikipidia:Warung Kupi (Kabijakan)

Padoman Pangaranan (ngaran-ngaran géografis)Sunting

Ngini sahibar usul aja pang, mudah-mudahan kawa kita musyawarahkan baimbayan supaya dapat mufakat. Marga Bahasa Banjar kada baisi padoman rasmi nang walih, kadada salahnya kita ma'ambil contoh dari Wiki lain (khususnya Bahasa Indonesia: http://id.wikipedia.org/wiki/Wikipedia:Pedoman_penamaan).

  1. Utama'akan mambari ngaran padanan dalam Bahasa Banjar atawa Bahasa Indonésia lamun ada. Contoh: labih baik "Walanda" daripada "The Netherlands" sabab ngaran itu labih akrab gasan buhan Banjar.
  2. Lamun kadada padanannya, tolong bariakan ngaran dalam bahasa setempat, hindari mambari ngaran dalam Bahasa Inggris. Contoh: Jangan mambari ngaran "Cologne" nang matan Bahasa Inggris. Baik maambil ngaran matan aslinya "Koln". (http://id.wikipedia.org/wiki/Koln)
  3. Khusus gasan ngaran nang diambil matan bahasa asing, harap disasuai'akan lawan palafalan nang gampang dimangarti buhan Banjar. Contoh: Marga kita kada mamakay "Moscow" nang matan Bahasa Inggris, kita ambil ngaran matan bahasa aslinya "Moskva" nang dilafalakan "Moskwa". (http://id.wikipedia.org/wiki/Moskwa)
  4. Jadiakan ngaran Bahasa Inggris jadi alternatif nang panghabisan haja. Lamun mamakay ngaran Bahasa Inggris, sasuai'akan palafalannya.

Sabulujurannya Wikipedia Bahasa Indonesia balum konsistén jua pang pakai padoman ngini. Contohnya: http://id.wikipedia.org/wiki/Swaziland. Lamun mamakay padoman no.2, maka saharusnya pakay "Swatini" daripada "Swaziland" nang diambil matan Bahasa Inggris. Atawa contoh lain, "Cyprus" saharusnya jadi "Saipres" lain "Siprus" lamun umpat No. 4. "Seychelles" atawa "Vientiane" bahkan kada ditransliterasi sama sakali. Tagal pada umumnya padoman ini sudah cukup baik praktéknya di Wikipedia Bahasa Indonesia.

Harapan ulun, mudahan padoman pangaranan ini kawa ancap disah'akan supaya kadada proyék nang tamandak lagi. Jiwa Matahari 15:27, 18 Disimbir 2010 (ICT)

Ulun magun balum bakumintar labih lanjut. Handak mamahami 'hulu pandiran Pian di atas. Hadangi babarapa hari. --Ezagren bapandir 10:01, 20 Disimbir 2010 (ICT)
  • Babarapa istilah nang dipakai dalam Hikayat Banjar (1663): Siam (Thailand), Cina (Tiongkok), Makkau (Makau), Walanda (Belanda), Jampun (Jepang), Kaling (Keling/Tamil), Hujarat (Gujarat), Campa (Veitnam Selatan), Mangkasar (Makassar), Bantan (Banten), Karasikan (mungkin Kapulawan Sulu).
  • Bahasa Malayu bahari (ta'umpat Banjar) banyak maambil matan bahasa Arab, umpamanya Yunani (Greek), Kaherah (Cairo), Baitul Makdis (Yerusalem), dll.

Alamnirvana 13:09, 22 Disimbir 2010 (ICT)

Terima kasih, Alamnirvana. Ngaran-ngaran nang ada sejarahnya kaya itu baik banar. Gujarat disambatnya "Hujarat" lah? Pasti marga maumpati Walanda nang menyambat "g" sawagay "kh". Ngaran Arab perasa ulun baik jua lamunnya dasar lazim kita pakay nang kaya contoh-contoh pina nitu. Jiwa Matahari 14:55, 22 Disimbir 2010 (ICT)

Kumintar EzagrenSunting

  • Numur 1, satuju/hakun haja. Walanda ngitu labih akrab memang matan Netherland.
  • Numur 2, nangitu sipatnya kada tatap. Bisa haja baubah sasuai lawan waktu kaina. Pilipina gin jua mahindari palafalan dalam Inggris dan disasuaiakan lawan pafalan urang Tagalog.
  • Numur 3, jaka cuntuhnya "Moskva" jadi "Moskwa", ngalih jua dilafalakan urang Banjar. Moskow magun labih baik.
  • Numur 4, silakan tarjamahakan Daptar nagara di dunia manurut usulan pian numur 4 ngintu. Kalu kada serak di hati, kaina ulun ubah babakan pian. --Ezagren bapandir 18:22, 22 Disimbir 2010 (ICT)

Panulisan ngaran daerahSunting

Ulun handak mausul, dimapa amunnya panulisan ngaran daerah mamakai hurup nang sebujurannya haja? misalnya kabupaten "Tabalong" jangan ditulis "Tabalung". Fani 00:10, 7 Agustus 2011 (ICT)

setuju Riemogerz 21:50, 28 Agustus 2011 (ICT)
Sabujurnya aslinya Tabaluung. Ezagren bapandir 12:43, 29 Agustus 2011 (ICT)

Usulan gasan maulah katantuan di WBBSunting

Ulun ma'usulakan amun kita baisi jua kariteria gasan artikal di WBB, jangan kaya artikal Bahasa Palémbang‎, nang manurut ulun kurang sasuai di andak di Wikipidia,, nang pasnya nintu amun manurut ulun diandak di Wikikamus atawa Wiktionary pang... kayapa amun manurut sampian barataan ?? - RieMogerztalk 3 Januari 2012 19.39 (ICT)