Basa Arab
Basa Arab (اللغة العربية al-lughah al-‘Arabīyyah), atawa gampangnya Arab (عربي ‘Arabī), nangini sabuting basa rumpun Semitik nang mancungul matan banua nang wayahini tamasuk wilayah Arab Saudi. Basa Arab ngini basa nang paling ganal, amun di tiring matan nang mamandirakan di dalam kulawarga basa Semitik. Basa ngini di pandirakan urang sampai limpat pada 280 juta ikung urang gasan basa panambaian (indung), [4] nang mana bubuhannya ni tabanyak badiam di Timur Tengah lawan Afrika Utara. Basa ngini rasmi di pakai di 25 Nagara, wan jua gasan basa rahatan ba ibadah dalam agama Islam, ulihnya basa nang dipakai oleh Alquran wan sabubutingannya basa nang di sambat dalam Alquran.[5] Amun di tiring matan hamburan kahinipannya (penyebaran geografisnya), basa Arab pamandiran banyak banar variasinya (dialek), kaputingannya sama-sama urang Arab ada nang kada rasuk bapandir. Basa Arab nang hanyar sudah diklasifikasikan sabuting makrobasa nang di dalamnya ada 27 subbasa lawan ISO 639-3. Basa Arab Baku (wayahanu di sambat Basa Arab Sastra) dilajarakan secara luas di sakulahan wan kuliahan, imbah tu jua, di gawian (wadah bacari), , pamarintahan, wan media massa. Basa nangini masih tarait (sabuku) lawan basa Ibrani wan basa Aram. Basa-basa ini dituturakan di saluruh Dunia Arab, sadangkan Basa Arab Baku dikatahui di saluruh Dunia Islam. Wayah Abad pananangahan basa Arab jua gasan alat utama budaya, nang paiyanya dalam sains, matematika, wan filsafat, nang maulah banyak basa urang Eropa umpatan mainjam banyak kosakata matan basa Arab. Basa Arab Hanyar (modern) ba'asal matan Basa Arab Klasik Sabubutingannya warna (anggota) rumpun basa Arabia Utara Kuno nang saat ini masih digunakan, nangkaya kawa kita janaki (itihi bujur-bujur) prasasti paninggalan Arab pra-Islam nang asalnya matan abad ka-4.[6] Basa Arab klasik jua sudah manjadi basa kasusastaraan dan basa liturgi Islam tumatan labih kurang abad ka-6. Abjad Arap ditulis matan kanan ka kiwa.
Panderan dan Pangajian
babakBasa arab ujarnya jar basa nang paling ngalih setelah basa Parancis jar, sualnya basanya ngalih banar, banyak banar tasripannya, nahwu shorofnya jar ngalih jua dipahami, tapi banyak banar jua dari banua kita urang banjar nang menguasai basa arab, dan baca kitab.
Banyak banar nang ahli basa banjar dari banua banjar, lancar banar bepanderan basa banjar lawan jua ahli banar pengajian basa banjar, diantara paguruan nang mengajarkan pengajian basa banjar adalah, Guru Syarwani Abdan, Guru Sekumpul
Isim
babakAwal mula kita belajar mengaji basa Arab kaya ini caranya, nang pertama kita belajar dulu apa itu isim, pi'il lawan huruf, isim ngitu kata benda, nang kaya
مسجد،كوب،إزار
Isim nang muprod
babakIsim nang muprod ngitu nang manunjukkan makna sebuting benda haja
Isim nang Musanna
babakIsim nang musanna ngitu isim nang menunjukkan makna dua haja
Isim nang Jamak
babakisim nang jamak ngitu isim nang menunjukkan makna 3 lawan salabihnya
Bemacam Macam Isim nang lainnya
babakbemacam macam isim nang lainnya ngitu masdar, isim makan yaitu isim nang baisi makna tempat, isim zaman yaitu isim nang baisi makna zaman.
Pi'il
babakPi'il ngitu kata gawian, nang artinya membarii arti gawian lawan ada makna waktunya.
Pi'il Madhi
babakPi'il Madhi ngitu Pi'il nang baisi makna dulu
Pi'il Mudhori
babakPi'il Mudhori ngitu Pi'il nang baisi makna wahini lawan nang dudi
Pi'il Amar
babakPi'il Amar ngitu Pi'il nang baisi makna suruhan
Rujukan
babak- ^ Procházka, 2006.
- ^ Ethnologue (1999)
- ^ Wright, 2001, p. 492.
- ^ Procházka 2006.
- ^ Surah Yusuf ayat 2
- ^ Versteegh, Kees (1997), The Arabic Language, hlm. 33. Edinburgh University Press, ISBN 90-04-17702-7
