Burung Buburak
Buburak atawa ngaran langkapnya burung Buburak (Amauronis Phoneicurus) adalah burung nang banyak tadapat di nagara-nagara Asia Timur macam Japang, China, wan Korea, Asia Tenggara nang kaya Indonesia, Filipina, Myanmar, Laos, Thailand, Vietnam wan Malaysia, imbah itu salain di Asia Timur wan Tenggara burung Buburak ada jua di Asia Salatan nang kaya India, Maladewa wan Nepal.[1]
| ?Burung Buburak | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Satatus palastarian | ||||||||||||||
| Klasifikasi ilmiah | ||||||||||||||
| ||||||||||||||
| Ngaran binomial | ||||||||||||||
| Amaurornis phoenicurus Pennant, 1769 | ||||||||||||||
 Daerah penyebaran kareo padi
| ||||||||||||||
| Sinonim | ||||||||||||||
|
Erythra phoenicura |
Burung Buburak banyak bagana di dairah nang banyak banyunya, dairah rawa, lahan gambut, danau atawa pahumaan, bakau, lawan parit di higa jalan.[2] Burung Buburak nginih rancak ditamui di dataran randah nang katinggiannya tuh mancapai 1.600 meter di atas parmukaan laut.[3]
Buburak nginih lamun basa Indonesianya bangaran Kareo Padi, mun basa lautnya White-Breasted Waterhen, mun bubuhan Jawa ajin manyambat buannya burung Ruak-ruak.[4]
Burung Buburak lamunnya babunyi atawa basuara maka nang kaluar adalah bunyi “kuak...kuak...kuak,” suaranya gin nyaring banar. Burung Buburak nginih tamasuk dalam kaluarga Rallidae, ordo Gruiformes, kelas Aves, genus Amauronis, wan masuk karajaan Animalia.[5]
Ciri-Ciri
babakAwak burung Buburak nginih sadang haja, kada ganal kada halus, nang kaya ukuran hayam bini. Ukuran awaknya bangsa 20 cm, mun panjang awaknya mulai matan muntung atawa paruh sampai ka inggan buntut tuh 15 cm, warna bulunya campuran warna hirang, putih, lawan saikit warna habang.[6]
Ngaran burung Buburak nih asalannya adalah Onomatope alias tiruan bunyi atawa suara nang ajin dikaluarkannya, “Kuak...kuak...kuak!”.[7]Jadi mun di Kalimantan Selatan atawa Banua Banjar jadi Buburak lamun di Jawa jadi burung Ruak Ruak atawa Kareo Padi.
Ciri-ciri burung Buburak nginih parahatan atas kapala sampai inggan ka balukuk bawarna hirang, imbah itu warna putih mulai matan di muha sampai ka parut, wan jua saikit warna habang ka suklat-suklatan matan burit ka hujung buntut.[8]
Awak burung Buburak nginih ramping alias kurus nang kaya papan, supaya kawa bukah masuk ka halalang atawa padang tagah, batisnya Buburak nih bawarna kuning wan jua batisnya baukuran panjang gasan kawa bukah di padang banyu wan nang pina tarandam nang kaya pahumaan.
Paruh alias bagian muntung dari burung Buburak nginih bawarna kuning wan ada saikit warna habang. Paruh burung Buburak nang ukuran sadang dipakai gasan mancari makanan di dalam bulanak atawa lumpur lawan di banyu nang kada tapi dalam.
Reproduksi wan Kabiasaan
babakSarang burung Buburak bantukannya nang kaya mangkuk gasan makan, sarang buannya diolahnya dari rumput-rumput karing nang dikumpulakan lalu diolah jadi nang kaya ukuran mangkuk. Sarangnya ada di rarumputan, wan baandakan di atas tanah, tapi parak lawan banyu.[9]
Buburak Laki lawan Buburak Bini sama sakali kada balainan, warna lawan ganal awaknya sama ja pas sudah ganal.[10] Pas imbah mamacah daripada hintalu, kada nang kaya uma lawan abahnya, anakan buburak ngintuh warnanya hirang, tapi pas kaina inya ba tuha saikit alias remaja atawa bujang, warnanya baubah jadi habuk nang kaya habu.[11]
Sama nang kaya anakan hayam, anakan Buburak nginih pas imbah mamacah daripada hintalu, inya langsung bukah ka luar matan sarang.
Biar imbah mamacah matan hintalu langsung bukah ka luar sarang, anakan burung Buburak nih kada lapas dari parhatian nang kuitan. Matan kakanak sampai ampah bujang, burung Buburak nang jadi kuitannya tatap maharagu nang anak.
Ganal hintalu burung Buburak nang kaya ganalnya hintalu burung Puyuh. Warna hintalunya gin sama, yaitu warna putih ba bintik-bintik habang atawa suklat.[12] Burung Buburak nginih bahintalu sapanjang musim, tapi kabanyakannya pas rahatan musim hujan. Buburak bini biasanya mun sakali bahintalu, bisa sampai 4 sampai 9 hintalu sakaligus.[13]
Biasanya masa inkubasi alias lawas waktu gasan burung Buburak nih maharami hintalu tuh bangsa 20 harian.[14] Gawian gasan maharami hintalu kada gawian Buburak bini haja, Buburak Laki gin umpat jua maharami hintalu, buhannya bagantian gasan maharami hintalu sampai mamacah wan sampai jadi anakan.
Dalam satahun burung Buburak nginih kawa bahintaluan sampai tiga kali.[15] Burung Buburak nginih panyupan, inya rancak talihat pas rahatan baisukan sampai ka siang, pas kaluar matan sarang gasan mancari makan.[16] Pas rahatan mancari makan, rancak buannya ba imbaian, tapi ada jua wa wayahnya saurang ja burung Buburak nih mancari makan.
Burung Buburak nginih rancak kalihatan pas wayah baisukan ampah ka siang, pas rahatan lagi mancari makan.[17] Inya katuju mancari makanan di atas tanah atawa di lahan basah wan dairah nang ba banyu tapi kada dalam. Burung Buburak nginih kategorinya adalah Omnivore alias makan nangapa haja. Makanan nang rajin diuntalnya adalah cacing, hulat, sarangga banyu,wan tumbuhan nang hidup di banyu.[18]
_-_Flickr_-_Lip_Kee.jpg)
Walau sambatannya burung Buburak nginih adalah burung banyu, tapi inya jarang talihat bakunyung. Inya bisa bakunyung, tapi lain burung nang harat bakunyung.[19]
Burung Buburak nginih bisa jua tarabang, tapi jarang jua talihat inya tarabang. Biasanya inya pas rahatan takajut, pas malihat manusia, inya tarabang randah atawa bukah gasan basimpan ka padang tagah.[20]
Masa hidup atawa lawasnya hidup burung Buburak nginih tuh bangsa 3,7 tahun. Ujar bubuhan wetlands international pas wayah tahun 2006. Burung Buburak nginih kikira ada sakitar 10.000-100.000 di dunia.[21]
Jujuhutan
babak- ^ "White-breasted Waterhen". Singapore Birds Project (dalam bahasa Inggris). 2016-01-10. Diakses tanggal 2023-03-07.
- ^ "White-breasted Waterhen - eBird". ebird.org. Diakses tanggal 2023-03-07.
- ^ "Kareo Padi (Amaurornis phoenicurus)". Bali Wildlife (dalam bahasa Indonesia). Diakses tanggal 2023-03-08.
- ^ "Kareo padi". ayoketaman.com. Diakses tanggal 2023-03-08.
- ^ "White-breasted Waterhen - Academic Kids". academickids.com. Diakses tanggal 2023-03-08.
- ^ "Kareo Padi (Amaurornis phoenicurus)". Bali Wildlife (dalam bahasa Indonesia). Diakses tanggal 2023-03-08.
- ^ mybbjt (2020-09-03). "Onomatope". BALAI BAHASA PROVINSI JAWA TENGAH (dalam bahasa Inggris). Diarsipkan dari versi asli tanggal 2023-03-08. Diakses tanggal 2023-03-08.
- ^ "White-breasted Waterhen (Amaurornis phoenicurus)". Bali Wildlife (dalam bahasa Inggris). Diakses tanggal 2023-03-08.
- ^ "White-breasted Waterhen". www.oiseaux-birds.com. Diakses tanggal 2023-03-08.
- ^ "White-breasted Waterhens". beautyofbirds.com (dalam bahasa Inggris). 2021-09-16. Diakses tanggal 2023-03-08.
- ^ Muslim, Dudung Abdul (2014-10-02). "Perawatan dan suara burung ruak ruak atau kareo padi". OM KICAU (dalam bahasa Indonesia). Diakses tanggal 2023-03-08.
- ^ "Nemu sarang burung ruak - ruak atau kareo dipohon padi". Blog Mang Yono (dalam bahasa Indonesia). Diakses tanggal 2023-03-08.
- ^ "White-breasted Waterhen". www.oiseaux-birds.com. Diakses tanggal 2023-03-08.
- ^ "Kareo padi". ayoketaman.com. Diakses tanggal 2023-03-08.
- ^ "White-breasted Waterhen". www.oiseaux-birds.com. Diakses tanggal 2023-03-08.
- ^ Akhtar, Sharmin; Kabir, M. M.; Begum, Sajeda; Hasan, M. K. (2013). "Activity pattern of white-breasted waterhen (Amaurornis phoenicurus) at Jahangirnagar university campus, Savar, Dhaka, Bangladesh". Bangladesh Journal of Zoology (dalam bahasa Inggris). 41 (2): 189–198. doi:10.3329/bjz.v41i2.23321. ISSN 2408-8455.
- ^ Akhtar, Sharmin; Kabir, M. M.; Begum, Sajeda; Hasan, M. K. (2013). "Activity pattern of white-breasted waterhen (Amaurornis phoenicurus) at Jahangirnagar university campus, Savar, Dhaka, Bangladesh". Bangladesh Journal of Zoology (dalam bahasa Inggris). 41 (2): 189–198. doi:10.3329/bjz.v41i2.23321. ISSN 2408-8455.
- ^ Tamam, Mh Badrut (2018-02-22). "Kareo Padi: Klasifikasi, Ciri-ciri, dan Penyebaran". Generasi Biologi (dalam bahasa Indonesia). Diakses tanggal 2023-03-08.
- ^ "(Kareo Padi) Fauna Kebun Biologi Universitas Negeri Malang". a t p j (dalam bahasa Inggris). 2010-11-05. Diakses tanggal 2023-03-08.
- ^ Novi (2020-10-20). "Kareo Padi Dan Cekakak Sungai, 2 Spesies Mulai Langka Beritaku". Beritaku (dalam bahasa Indonesia). Diakses tanggal 2023-03-08.
- ^ "White-breasted Waterhen (Amaurornis phoenicurus) - BirdLife species factsheet". datazone.birdlife.org. Diakses tanggal 2023-03-08.