Datu Pujung Amuntai
Datu Pujung Amuntai, dipinandui sabagai urang sakti wan tukuh masyarakat khususnya di wilayah Amuntai, Hulu Sungai Utara, Kalimantan Selatan. Inya hidup pas masa pamarintahan Pangeran Suryanata sampai pamarintahan Sultan Suriansyah. Salawas hidup jiwa wan awaknya di bariakan lawan karajaan
Ngarab babak
Dalam salah sabuting riwayat dikisahakan, Datu Pujung Amuntai disabutakan bangaran asli Aria Malangkan.
Kasaktian babak
Salain baisi awak nang ganal wan kakar, masyarakat Amuntai waktu bahari tahu jua bahwa Datu Pujung Amuntai baisi kasaktian. Nang kaya bukah laju, baluncat sangat jauh wan harat malipatgandaakan kakuatan.
Kapribadian babak
Sadar lawan kalabihan yang inya baisi, sabagai pambarian Allah SWT nang patut disyukuri, Datu Pujung mamakainya hagan babuat baik lawan cara manulungi urang. Inya kada katuju manulak saban tugas nang di babanakan tarhadapnya, maskipun tugas nya sangat barat. Sabuting hal nang tagambar banar dalam si Dutu Pujung, adalah kacangkalannya dalam manuntut wan manyampurnakan ilmu.
Tihang Masjid Suriansyah babak
Datu Pujungan Amuntai umpat mambantui dalam maulah Masjid Sultan Suriansyah. Sabuting hari Sultan Suriansyah mamarintahakan Datu Pujung hagan mancarii kayu ulin ampat batang hagan tiang masjid nang akan diulah di kuin. Imbah manarima tugas matan Sultan Suriansyah, Inya langsung manuju ka arah timur. Imbah sakian lawas, datang lah di Pagatan Pulau Laut. Sayangnya ulin nang dicari kada tadapat. Datu Pujung suah badiam lawas di PAgatan wan manjalin parsahabatan lawan Datu Mabrur. Karana kada tadapat kayu ulin nang dimaksud, Datu Pujung kamudian manuju hulu Mahakam. Di daerah tarsabut ulin nang dicari tatamu, lalu di kapit di katiak, salanjutnya lawan ilmu bukah lajur, Datu Pujung mambawa kayu ulinnya ke kerajaan Banjar. Manampuh kurang labih 2 hari parjalanan matan hulu Mahakam ka Kuin, Datuju Pujung manjulung ulin kapada Sultan Suriansyah. Isuknya, dangan melibatakan saluruh masyarakat, di ulahlah masjidnya. Masjid tarsabut dipinandui lawan ngaran Masjid Sultan Suriansyah di Kuin Banjarmasin Kalimantan Selatan.