Gargadil
Gargadil adalah ngaran wadai nang bantukannya melengkung nangkaya bulan sahiris, higanya baulir wan bagalumbang halus-halus di kulimbitnya. Gargadil diulah matan galapung gandum gasan kulimbitnya nang disanga mamakai minyak lamak nang tabanyak pada biasanya. Hintinya bisa matan daging bagilas, kiju mozzarella, suwiran ayam duwa kiju, sampai hundang, sayur, su'un lawan hintalu bajarang.
 Gargadil nang isinya sayur duwa daging | |
| Huaran | Wadai |
|---|---|
| Sajian | Papuluran |
| Banua asal | Indunisia |
| Suhu panyajian | Hangat |
Wadai ngini baisi ngaran lain di Sulawesi Utara, yaitu Panada nang isiannya iwak cakalang nang hudah disuwir halus-halus wan dimasak duwa bawang habang, daun limau, cacarum, lumbuk habang duwa bawang parai. [1]
Sajarah
babakGargadil dikikira urang asalnya matan makanan nang dibawa lawan buhan Spanyol duwa Portugal. Marga di banua sana ada juwa makanan nang bangaran Pastel de nata yaitu wadai nangkaya wadai hintalu (egg tart) asli Portugal nang dibarubuii bubuk kayu manis. Lamunnya di Spanyol, pastel ngitu sambatan gasan wadai biasa duwa papuluran lainnya. Tagal ada juwa pandiran lain nang mamadahakan gargadil ngini tiba matan empanada, ruti isi iwak tuna, sardin, atawa chorizo tumatan Spanyol nang hudah ada wayah 1520 di Galicia. [2]
Wadai ngini tiba matan banua Mediterania, Timur Tengah sampai ka India nang dikanalakan panambayan di Eropa Selatan wayah ada panyarbuan ulih Bangsa Moor ka Bangsa Eropa rahatan Perang Salib. Imbah ngitu bubuhan Eropa mamulai maudak wadai ngini wan mambarii ngaran "Empanada", nang tiba matan kata empanar nang baarti mantel dalam ruti.[1]
Jujuhutan
babak- ^ a b Eka, Intan (2023-01-02). "Pastel, Kue Khas Timur Tengah yang Gurih". Jember Inews (dalam bahasa Indonesia). Diakses tanggal 2023-07-10.
- ^ Rahmawati, Andi Annisa Dwi. "Pastel, Jajanan Indonesia yang Diadaptasi dari Empanada". detikfood (dalam bahasa Indonesia). Diakses tanggal 2023-07-10.