Kuta Banjarbaru

Banjarbaru
	; Lambang Banjarbaru; Motto: Gawi Sabarataan ;
	; Kar andakan Banjarbaru; Koordinat:
Prupinsi	Kalimantan Selatan
Hari jadi	20 April
Dasar hukum	UU No. 9 Tahun 1999
Tanggal	20 April 1999
Indung banua	Banjarbaru
	Pamarintahan
- Walikota	Aditya Mufti Ariffin
- DAU	Rp. 242.193.675.000,-(2011)
Luas	371,30 km²
	Populasi
- Total	199.359 urang (2010)
- Karacapan	537 urang/km²
	Demografi
- Suku bangsa	Banjar, Dayak, Jawa, Bugis, Sunda, Batak
- Agama	Islam, Kristen Protestan, Katolik, Hindu, Buddha
- Bahasa	Banjar Hulu, Banjar Kuala, Jawa, Bugis, Dayak
- Kode area talipun	0511
	Pambagian administratif
- Kacamatan	5
- Kalurahan	20
- Situs web	http://www.banjarbarukota.go.id/

Banjarbaru adalah ibu kuta prupinsi Kalimantan Selatan, Indunisia. Kuta Banjarbaru tamasuk kuta hanyar di Prupinsi Kalimantan Selatan, jadinya 20 April 1999, marga Undang-Undang Nomor 9 Tahun 1999. Luas Kuta Banjarbaru 371,30 km² (37.130 ha) atawa 3,8 × luas Banjarmasin atawa ½ luas Jakarta. Banjarbaru tamasuk bagian Banjar Bakula.^[2] Banjarbaru tabagi manjadi 5 kacamatan wan 12 kalurahan.

Giograpi

Kuta Banjarbaru andakannya di 03°27' s/d 03°29' LS wan 114°45' s/d 114°45' BT. Andakan Kuta Banjarbaru pada Kuta Banjarmasin 35 km ampah 296°30' subalah tanggara Kuta Banjarmasin, amun pada Martapura, Kabupatin Banjar, andakannya 5 km ampah 55°30' subalah barat daya Kuta Martapura. Di Kuta Banjarbaru ada wadah mandulang intan (di Kacamatan Cempaka, Banjarbaru), kampung asal Kuta Banjarbaru.

Tinggi Kuta Banjarbaru 0–500 m pada muka laut, tingginya 0–7 m (33,49%), 7-25 m (48,46%), 25-100 m (15,15%), 100-250 m (2,55%) wan 250-500 m (0,35%).

Pambagian administratip

Di Kuta Banjarbaru ada lima kacamatan:

Giologi

Tanah banyu di Kuta Banjarbaru:

Ukuran miring Kuta Banjarbaru:
- 0-2%, tamasuk 59,35 parsin luas wilayah
- 2-8%, tamasuk 25,78 parsin wilayah
- 8-15%, tamasuk 12,08 parsin wilayah.
Dalam tanahnya ada ampat: <30 cm, 30-60 cm, 60-90 cm wan >90 cm. Kuta Banjarbaru dalam tanahnya nang nahap labih pada 90 cm, marga itu macam-macam tanaman kawa tumbuh.
Saluran banyu di Kuta Banjarbaru baik, lamunnya hujan banyu kada mangandung, atawa kadada tangkujuh. Lamunnya ada banyu ba'ah, nang rajin kaba'ahan Kacamatan Landasan Ulin (nang jadi jalan banyu di Kacamatan Gambut wan Aluh-Aluh).
Dilihat Peta Kamampuan Tanah Skala 1:25.000, di Kuta Banjarbaru kadada tanah rumbih.
Dilihat Peta Giulugi tahun 1970, batu nang ada di Kuta Banjarbaru tamasuk:
- Alupium (Qha) 48,44 parsin
- Martapura (Qpm) 37,71 parsin
- Binuang (Tob) 3,64 parsin
- Purmasi Kerawaian (Kak) 2,26 parsin
- Purmasi Pitap 3,47 parsin
Janis tanah taulah matan paktur-paktur paulah tanah, yaitu: batuan induk, iklim, tupugrapi, vigitasi wan waktu. Tiap janis tanah baisi karakteristik tatantu nang mambidaakan antara sabuting wan nang lainnya. Karakteristik tanah ngitu nang kaya bakaitan lawan tingkat kapakaannya tahadap irusi, kasuburan tanah, tikstur tanah wan kunsistinsi tanah.
Didasari pada peta skala 1:50.000 nang ditarbitakan ulih Lambaga Panalitian Tanah Bogor tahun 1974, di wilayah Kuta Banjarbaru tadapat 3 (talu) kalumpuk janis tanah, yitu:
- Pudsulik 63,82 parsin
- Latusul 6,36 parsin
- Urganusul 29,82 parsin

Watas wilayah

Watas wilayah Kuta Banjarbaru antara lain:

Utara	Kacamatan Martapura, Kabupatin Banjar
Selatan	Kacamatan Bati-Bati, Kabupatin Tanah Laut
Barat	Kacamatan Gambut wan Aluh-Aluh, Kabupatin Banjar
Timur	Kacamatan Karang Intan, Kabupatin Banjar

Lambang Dairah

Arti lambang Kuta Banjarbaru:

Bintang basudut lima, artinya Pancasila, pitua hidup bangsa Indunisia.
Tihang kiwa wan kanan, artinya Kuta Banjarbaru kuta nang dasarnya 4 (ampat): pusat pamarintahan, pandidikan, industri wan kadiaman. Lain pada itu, tihang kiwa wan kanan artinya wadah jalan masuk ka Kalimantan Selatan. Jumlah pitak di kiwa wan kanan sabutingannya 10 buting, jumlahnya samunyaan 20 buting, artinya tanggal mula adanya Kuta Banjarbaru. Tihang kiwa wan kanan sabutingannya bajumlah 2 (dua) buting, jumlahnya samunyaan 4 (ampat) buting, bulan ampat Masehi (April), tanggal asal adanya Kuta Banjarbaru.
Pita warna hijau, batulisakan Gawi Sabarataan, artinya muttu Kuta Banjarbaru.
Kitab, artinya Kuta Banjarbaru kuta pandidikan, marga sakulahan, kampus wan sarabanya ada di sini.
Linggangan, artinya wadah urang mandulang intan di Kacamatan Cempaka, nang wayah ini jadi wadah wisata budaya wan sajarah.
Musium Lambung Mangkurat, wadah wisata sajarah wan budaya nang dikapit rumah, artinya Kuta Banjarbaru pusat pamarintahan wan wadah badiam.
Ruda (gir), artinya ruda industri wan badagangan, marga Kuta Banjarbaru baik banar sagan industri wan badagangan.
Talabang, artinya alat balindung sakira kabul kahandak (Pruklamasi Kamardikaan Ripublik Indunisia, 17 Agustus 1945) wan Pambangunan Nasiunal, marga Pancasila wan UUD 1945.

Suku bangsa

Jumlah warga di Kuta Banjarbaru 123.973 ikung (2000), banyak suku bangsa, nang kaya:^[3]

Suku Banjar: 75.537 ikung
Suku Jawa: 37.975 ikung
Suku Bugis: 947 ikung
Suku Madura: 1.180 ikung
Suku Buket: 1.728 ikung
Suku Mandar: 6 ikung
Suku Bakumpai: 85 ikung
Suku Sunda: 2.319 ikung
Lainnya: 4.340 ikung

Sajarah Banjarbaru

Citakan:Col-css3-begin

Gunung Apam

Banjarbaru bahari bangaran Gunung Apam, wadah badiam bubuhan pandulang intan di Cempaka. Tahun 1950-an, Hubnur dr. Murjani, dibantu Van der Pijl, maatur Banjarbaru sakira kaina jadi indung banua Prupinsi Kalimantan. Tagal, ayungannya jadi Kuta Administratif haja, wayah ini jadi kuta babanaran. Ngaran "Banjarbaru" asalnya samantara haja, sakira lain lawan Kuta Banjarmasin, tagal ayungannya marikit sampai wayah ini.

Wayah jadi Kuta Administratif, Banjarbaru tamasuk Kabupaten Banjar, indungnya Martapura. Jadi, Banjarbaru bahari tamasuk Kabupatin Banjar, tagal wayah ini sudah baasing saurang.

Kuta Banjarbaru ada marga ada Undang-undang (UU) Nomor 9 Tahun 1999. UU tu jadi tanda, Banjarbaru balain pada Kabupaten Banjar. Banjarbaru sawat jadi Kuta Administratif nang palawasnya di Indunisia. Wayah ini, warga Kuta Banjarbaru magin babanyak. Banyak warga Kalimantan (atawa luar Kalimantan) nang pindah kamari. Urang katuju badiam di sini, marga Kuta Banjarbaru nyaman didiami, taparak lawan lapangan tarbang Ulin, atawa Syamsudin Noor.

Gunung Apam tamasuk Kampung Guntung Payung, Kampung Jawa, Kacamatan Martapura, Kabupatin Banjar.
1951, Gubernur dr. Murdjani handak Gunung Apam jadi Kuta Banjarbaru, calun indung banua Prupinsi Kalimantan.
1953, urang nang maatur kantur-kantur wan wadah badiam di Banjarbaru D.A.W. Van der Peijl.
9 Juli 1954, Hubnur K.R.T. Milono usul lawan pamerintah pusat sakira mamindah indung banua Prupinsi Kalimantan (matan Kuta Banjarmasin) ka Banjarbaru, tagal kada taparukui.
27 Juli 1964, DPRD-GR Kalimantan Selatan manyurung Banjarbaru jadi Indung banua Prupinsi Kalimantan Selatan.
6 Oktober 1965, Panitia Penuntut Kutamadya Banjarbaru minta sakira Banjarbaru jadi Dairah Tingkat II/Kutapraja, manggasak sakira Banjarbaru jadi indung banua Prupinsi Kalimantan Selatan.
12 Oktober 1965, DPRD-GR Tingkat II Banjar di Martapura akur banar Banjarbaru jadi Indung banua Prupinsi Kalimantan Selatan.
17 Agustus 1968, Banjarbaru jadi Kuta Administratif.
27 April 1999, Banjarbaru jadi Kutamadya.

Citakan:Col-css3-end

Ngaran-ngaran Wali Kuta Banjarbaru

Ngaran Wali Kuta Administratif wan Wali Kuta Banjarbaru, matan tahun 1966 sampai nang wayah ini:

No.	Periode	Nama	Keterangan
1	1966-1970	H. Baharuddin, BA	Wali Kuta Administratif
2	1970-1975	H. Abd. Gaffar Hanafiah	Wali Kuta Administratif
3	1975-1981	H. Abdul Moeis	Wali Kuta Administratif
4	1981-1983	Drs. H. Abdurrahman	Wali Kuta Administratif
5	1983-1984	Drs. H. Edy Rosasi	Wali Kuta Administratif
6	1984-1986	Drs. H. Zawawi M. Aini	Wali Kuta Administratif
7	1986-1990	Drs. H. Yuliansyah	Wali Kuta Administratif
8	1990-1993	Drs. H. Raymullan	Wali Kuta Administratif
9	1993-1998	Drs. H. Hamidhan B.	Wali Kuta Administratif
10	1998-2000	Drs. H. A. Fakhrulli	Wali Kuta Administratif
11	2000-2005	Drs. H. Rudy Resnawan	Wali Kuta
12	2005	Drs. H. Hadi Soesilo	Pejabat Wali Kuta
13	2005-2010	Drs. H. Rudy Resnawan	Wali Kuta
14	2010-2015	Ruzaidin Noor	Wali Kuta

Referensi

^ "Perpres No. 6 Tahun 2011". 2011-02-17. Diarsipkan dari versi asli tanggal 2016-01-13. Diakses tanggal 2011-05-23.
^ Kalsel Bakal Miliki Lima Kota Metropolitan ^{[permanent dead link]}
^ (Sumber: Badan Pusat Statistik - Sensus Penduduk Tahun 2000)

Tautan luar

Citakan:Wikisource

Situs Banjarbaru Online Archived 2010-12-29 at the Wayback Machine
Situs Media Online Kota Banjarbaru
BKN Kantor Regional VIII Banjarmasin di Banjarbaru^{[permanent dead link]}
Balai Bahasa Banjarmasin di Banjarbaru
Mengenang Van Der Pijl, Sang Maestro Banjarbaru
Analisis Citra Satelit IR di Banjarbaru KalSel lawan melihat Suhu Puncak Awan
Balai Pengembangan Pendidikan Non Formal dan Informal (BP-PNFI) Regional VI Banjarbaru Archived 2011-08-19 at the Wayback Machine
Kanwil 12 DJKN Banjarmasin di Banjarbaru Archived 2009-01-14 at the Wayback Machine
Kanwil DJP Kalselteng Archived 2011-10-10 at the Wayback Machine

[1] "Perpres No. 6 Tahun 2011". 2011-02-17. Diarsipkan dari versi asli tanggal 2016-01-13. Diakses tanggal 2011-05-23.

[2] Kalsel Bakal Miliki Lima Kota Metropolitan ^{[permanent dead link]}

[3] (Sumber: Badan Pusat Statistik - Sensus Penduduk Tahun 2000)

[2]

[1]

[3]

Lambang Banjarbaru Motto: Gawi Sabarataan
Kar andakan Banjarbaru Koordinat:
Prupinsi	Kalimantan Selatan
Hari jadi	20 April
Dasar hukum	UU No. 9 Tahun 1999
Tanggal	20 April 1999
Indung banua	Banjarbaru
Pamarintahan
- Walikota	Aditya Mufti Ariffin
- DAU	Rp. 242.193.675.000,-^{(2011)^[1]}
Luas	371,30 km²
Populasi
- Total	199.359 urang (2010)
- Karacapan	537 urang/km²
Demografi
- Suku bangsa	Banjar, Dayak, Jawa, Bugis, Sunda, Batak
- Agama	Islam, Kristen Protestan, Katolik, Hindu, Buddha
- Bahasa	Banjar Hulu, Banjar Kuala, Jawa, Bugis, Dayak
- Kode area talipun	0511
Pambagian administratif
- Kacamatan	5
- Kalurahan	20
- Situs web	http://www.banjarbarukota.go.id/