Merkurius
Merkurius (simbol: .svg){kind=small}
) adalah palanit pahalusnya di Tata Surya sakaligus nang pamaraknya matan Matahari. Pariuda ripulusi palanit ngini adalah nang pahandapnya matan sabarataan palanit di Tata Surya, 87,79 hari. Palanit ngini dingarani maumpat ngaran diwa Merkurius, sang pambawa pasan bubuhan diwa dalam mitulugi Romawi.
Nang kaya Venus jua, Merkurius adalah palanit inpiriur nang andak urbitnya baandak di subalah dalam urbit Bumi, wan wayah dijanaki matan Bumi, jarak buncunya matan Matahari kada suah malabihi 28°. Marga jarak nang parak lawan Matahari, palanit ngini wastu kawa dijanak di parak upuk barat imbah matahari tinggalam atawa upuk timur sabalum matahari timbul, atawa rancaknya wayah aram. Merkurius cagar nampak kaya bintang nang tarang amun diitihi wayah waktu ngitu, tagal rancak jauh tangalih gasan diitihi daripada Venus. Amun diitihi matan tiliskup, Merkurius cagar maampaiakan sarangkuman pasa nang mahirip lawan pasa Venus wan Bulan, bila bagarak di urbit palihan dalamnya nang rilatip tahadap Bumi wan tajadi baimbal dalam sasiklus sinudiknya, kikira 116 hari.
Merkurius baisi rutasi nang unik dalam Tata Surya. Palanit ngini takunci pasang surut tahadap Matahari dalam ulaian–risunansi urbit 3:2,[1] nang baarti bahua rilatip tahadap bintang tatap, palanit ngini barutasi di purusnya pas talu kali gasan saban dua kali pariuda ripulusi mangulilingi Matahari.[lower-alpha 1][2] Kaya nang diitihi matan Matahari, dalam karangka acuan nang barutasi lawan garakan urbit, Merkurius tajanak wastu barutasi sakali saban dua tahun Merkurius.
Sumbu Merkurius baisi kapirutan pahalusnya matan sabarataan palanit di Tata Surya, wastu kikira 1⁄30 darajat. Palanit ngini jua baisi iksintrisitas urbit pangganalnya matan sabarataan palanit nang ada di Tata Surya; wayah baandak di titik pirihiliun, jarak Merkurius matan Matahari wastu kikira dua par talu (atawa 66%) matan jaraknya wayah baandak di titik apiliun. Pamukaan Merkurius hibak lawan kawah wan baisi wujut nang sarupa lawan Bulan; hal ngini manandaakan bahua parusis giulugis di pamukaannya sudah ampih matan miliaran tahun dahulu. Marga parak kada baisi atmuspir gasan manahan panas, Merkurius baisi suhu pamukaan nang liwar bamacam-macam saban harinya, mulai matan 100 K (−173 °C; −280 °F) wayah malam sampai 700 K (427 °C; 800 °F) wayah tangah hari di sapanjang dairah katulistiwa. Suhu pamukaan di dairah kutupnya baandak di bawah 180 K (−93 °C; −136 °F) tarus. Merkurius kada baisi sama sakali satelit alami nang dikatahuani.
Dua wahana antariksa nang suah mailangi Merkurius adalah Mariner 10, nang tarabang malalui palanit ngini wayah tahun 1974 wan 1975, wan MESSENGER, nang dilungsurakan wayah tahun 2004 wan sudah mangurbit Merkurius sabanyak labih matan 4.000 kali dalam ampat tahun sabalum kahabisan bahan salukut wan maranjahakan diri ka pamukaan palanit ngini wayah 30 April 2015.[3][4][5] Wahana antariksa BepiColombo dikikirakan cagar datang di Merkurius wayah tahun 2025.
- ^ Elkins-Tanton, Linda T. (2006). Uranus, Neptune, Pluto, and the Outer Solar System. Infobase Publishing. hlm. 51. ISBN 978-1-4381-0729-5.
- ^ "Animated clip of orbit and rotation of Mercury". Sciencenetlinks.com.
- ^ "NASA Completes MESSENGER Mission with Expected Impact on Mercury's Surface". Diarsipkan dari versi asli tanggal 3 Mei 2015. Diakses tanggal 30 April 2015.
- ^ "From Mercury orbit, MESSENGER watches a lunar eclipse". Planetary Society. 10 Oktober 2014. Diakses tanggal 23 Januari 2015.
- ^ "Innovative use of pressurant extends MESSENGER's Mercury mission". Astronomy.com. 29 Desember 2014. Diakses tanggal 22 Januari 2015.
Kasalahan pangutipan: Ditemukan tag <ref> untuk kelompok bernama "lower-alpha", tapi tidak ditemukan tag <references group="lower-alpha"/> yang berkaitan