Mi habang
Mi habang adalah hidangan nang bantukannya mi nang babalang habang wan banyak ditamui di Banjarmasin. Mi ngini biasanya disajiakan lawan bakso lawan karupuk pangsit. Mi nang dipakai adalah mi nang diulah matan galapung gandum, banyu, uyah nang ditambahkan pawarna habang.[1] Pawarna habang ngini nang maulah mi babalang habang nang hingga jadi sambatan urang Banjar gasan manggalari makanan ngini.[2]
 Sapiring mi habang | |
| Banua asal | Indunisia |
|---|---|
| Dairah | Kalimantan Selatan |
| Masakan nasiunal tarait | Indunisia |
| Diulah ulih | Suku Banjar |
| Suhu panyajian | Panas |
| Bahan utama | Galapung gandam, pawarna makanan, banyu mati, uyah, bawang habang |
Panyajian
babakDi wawarungan di Banjarmasin, Mi habang cagaran dijual urang gasan mangawani buras, lapat lawan nasi kuning. Jadinya Mi habang gasan malangkapi makanan ngitu lawan jua biasanya kada tapi banyak disurungi urang dalam sapiring. Tapi ada jua warung makan nang manyadiaakan Mi habang nang dimasak baasa, bisa dimasak bakuah atawa disanga.[2]
Mi habang jua marupakan jadi mi nang biasanya dipakai dalam mi ayam, mi yamin wan mi bancir di Kuta Banjarmasin.[3]
Cara baulah
babakSalah sabuting kampung industri baulah Mi habang ada di kalurahan Pekauman, Banjarmasin Selatan, Banjarmasin.[4]
Baulah Mi habang ngini masih mamakai alat bahari nang bantukannya nangkaya jungkat jungkit gasan mamipihakan adunan. Imbah sudah pipih, mi cagaran dipajal ka dalam masin panggiling gasan mancitak mi jadi lambaran wan imbahnya cagaran ditatak.[3] Dalam prusisnya, mi nang talah dicitak cagaran disumap sabalum dijual sakira tarasa kinyul.[1] Manyumap mi gin masih mamakai alat tradisiunal lawan bahan bakar matan tungkihan kayu.[3]
Jujuhutan
babak- ^ a b Latifah, Putri (2021-09-08). "Mie habang khas Banjarmasin, warna merah menyala menarik perhatian". Kulinear. Diakses tanggal 2023-11-24.
- ^ a b Rumahan, Pojok. "Mi Habang, Mi Khas Banjarmasin". Pojok Rumahan. Diakses tanggal 2023-11-24.
- ^ a b c "Pengusaha Mie Habang di Banjarmasin Ini Bertahan dengan Proses Pembuatan Tradisional Sejak 1985!". KOMPAS.tv (dalam bahasa Indonesia). Diakses tanggal 2023-11-24.
- ^ "MIE HABANG". Kelurahan Pekauman. Diakses tanggal 2023-11-24.