Nangka balanda

Sirsak, nangka balanda, nangka kulanda, kulanda atawa durian balanda (Annona muricata L.) adalah tumbuhan baguna nang ba'asal matan Karibia, Amirika Tengah wan Amirika Selatan. Di bamacam-macam dairah Indunisia dikiau sabagai nangka sebrang, nangka landa (Jawa), nangka walanda, sirsak (Sunda), nangka buris (Madura), srikaya jawa (Bali), deureuyan belanda (Aceh), durio ulondro (Nias), durian betawi (Minangkabau), wan jambu landa (di Lampung). Panyambatan "balanda" wan macamnya manampai'akan bahua sirsak (tumat bahasa Belanda: zuurzak, ba'arti "kantung asam") didatangakan ulih Pamarintah kulunial Hindia-Belanda ka Nusantara, yato di abad ka-19, walau kada ba'asal matan Eropa.

?Nangka balanda
Cabang puhun nangka balanda lawan buah wan kambangnya
Klasifikasi ilmiah
Karajaan: Plantae (tidak termasuk) Magnoliids Ordo: Magnoliales Famili: Annonaceae Genus: Annona Spesies: A. muricata
Ngaran binomial
Annona muricata L.

buah Nangka balanda

Tanaman ngini ditanam sacara kumarsial gasan diambil daging buahnya. Tumbuhan ngini kawa tumbuh di babarang tampat, liwar baik ditanam di banua nang sadang banyunya. Ngaran sirsak saurang ba'asal matan bahasa Belanda Zuurzak.

Tanaman ngini ditanam sacara kumarsial atawa sasambilan gasan diambil buahnya. Puhun sirsak kawa mandapati tinggi 9 mitir. Di Indunisia sirsak kawa tumbuh sacara bagus di katinggian 1000 mitir tumat pamukaan laut.

Buah sirsak kadanya pang buah sajati, nang ukurannya sadang ganalnya sahingga 20–30 cm lawan barat mandapati 2,5 kg. Nang dingarani "buah" sabujurnya adalah garumbung buah-buah (buah agregat) lawan bigi tunggal nang bahimpitan wan kahilangan halat antarbuah. Daging buah sirsak bawarna putih wan ba'isi bigi bawarna hirang. Buah ngini rancak dipakai gasan bahan baku jus minuman wan is krim. Buah sirsak mangandung banyak karbuhidrat, ta'utama pruktusa. Kandungan giji lainnya adalah pitamin C, pitamin B1 wan pitamin B2 nang mayu banyak. Biginya baracun, wan dapat dipakai sabagai insiktisida alami, nangkaya jua bigi sarikaya.