Kuta Samarinda

Kuta Samarinda adalah salah satu kuta sakaligus marupakan indung banua matan paropinsi Kalimantan Timur, Indonésia. Saluruh wilayah kuta ngini bahalatan langsung lawan Kabupatin Kutai Kartanegara. Kuta Samarinda hingkat dituju lawan parjalanan darat, laut wan udara. Lawan Sungai Mahakam nang mambalah di tangah Kuta Samarinda, nang manjadi "garabang" manuju padalaman Kalimantan Timur. Kuta ini baisi lumbah banua 718 km² wan bapanduduk 726.223 urang (tahun 2010).

Samarinda
Kalimantan Kalimantan Timur
Lambang
Motto:  TEPIAN (TEduh, raPI, Aman, dan Nyaman)
Andakan Samarinda di Pulaw Kalimantan
Nagara	Indunisia
Hari jadi	21 Januari
Dasar hukum	UU RI No. 27 Tahun 1959
Pamarintahan
• Wali kuta	Syaharie Jaang
Jimbar
• Total	km2 ( sq mi)
Populasi  (2010)
• Total	726.223
• Kepadatan	1.011/km2 (Citakan:Hid/sq mi)
Demografi
• Suku bangsa	Banjar, Kutai, Jawa, Dayak, dsb.
• Agama	Islam, Katolik, Protestan, Buddha, Hindu, Kong Hu Cu
• Bahasa	Indunisia (rasmi), Kutai, Banjar, Dayak
Wewidangan galah	WITA
Kode talipun	+62 541
Kacamatan	10
Disa/kalurahan	53
Bandar udara	Temindung
Palabuhan	Yos Sudarso
Binatang rasmi	Pesut Mahakam
Situs web	http://www.samarindakota.go.id/

Sajarah

Samarinda nang dipinandui sabagai kota nangkaya wayah ini dahulunya adalah salah satu wilayah ampun Kasultanan Kutai Kartanegara ing Martadipura. Wayah abad ka-13 Masehi (tahun 1201–1300), sabalum dikenalnya nama Samarinda, sudah ada parkampungan panduduk di anam lukasi yaitu Pulau Atas, Karangasan (Karang Asam), Karamumus (Karang Mumus), Luah Bakung (Loa Bakung), Sembuyutan (Sambutan) wan Mangkupelas (Mangkupalas). Sambatan anam kampung di atas tadi tacantum dalam manuskrip surat Salasilah Raja Kutai Kartanegara nang ditulis ulih Khatib Muhammad Tahir pada 30 Rabiul Awal 1265 H (24 Februari 1849 M).

Rahatan tahun 1565, tajadi migrasi suku Banjar matan Batang Banyu ka daratan Kalimantan bagian timur. Wayah itu rumbungan bubuhan Banjar matan Amuntai nang dipimpin ulih Aria Manau matan Karajaan Kuripan (Hindu) mamulai badirinya Karajaan Sadurangas (Pasir Balengkong) di dairah Paser. Imbah itu suku Banjar umpat jua asing-asingnya manumbarap di wilayah Karajaan Kutai Kartanegara, nang di dalamnya tadiri mulai kawasan di dairah nang wayah ini disambat lawan kuta Samarinda.

Sajarah badiamnya suku Banjar di Kalimantan bagian timur wayah uturitas Karajaan Banjar jua dinyatakan ulih tim panaliti matan Departemen Pendidikan wan Kebudayaan RI (1976): “Badiamnya suku Banjar di dairah ini pas panimbayannya ialah rahatan karajaan Kutai Kartanagara tunduk di bawah kakuasaan Karajaan Banjar.” Inilah nang manyababakan tabantuknya bahasa Banjar sabagai bahasa nang paling banyak diucapakan masyarakat Samarinda di kamudian hari, walaupun sudah ada macam-macam suku nang datang, nangkaya Bugis duwa Jawa.

Tautan luar

• Situs Resmi s/d 2008 Archived 2009-05-20 at the Wayback Machine
• Situs Resmi 2009